東張主持兼Super Tiger成員宣布離巢 34歲魏柏豪疑回歸做空少
撰文:洪曉璇
出版:更新:
又一TVB藝人宣布離巢,高收視節目《東張西望》近年多位主持出走。TVB 10人男團「Super Tiger」成員之一,現年34歲的魏柏豪宣布離開TVB:「多謝有睇東張西望支持我哋嘅你哋。」
《東張西望》主持魏柏豪日前喪跑追訪深水埗全裸大叔,二人在同一條街道上來回狂奔近10次成為熱話。做過地勤及七年空少的魏柏豪2020年參加《衝上雲霄大選》入行,曾獲力捧成為10人男團「Super Tiger」於成員之一。21年12月加入東張主持行列,曾在疫情期間穿上保護衣入疫區,今年中訪問何伯何太更成為代表作。
魏柏豪貼岀多張外景照懷緬在《東張西望》工作時光:「10月5號我已經離開左東張西望啦。2021年12月1號 係我第一日開東張,果排covid 時期,最深刻係成日都要去拍啲爆發既地方,睇返自己初初拍果啲item 同vo真係成舊飯咁。風吹雨打日曬雨淋,但每次都有導演攝影撰稿係度成set crew一齊,寓工作於娛樂。係呢2年幾3年既時間,多謝東張入面每一位既耐性同照顧,本身其實份人好i,連做街訪都覺得尷尬到一個極致,到後來 “ready? roll左? 直接黎啦gogogo”下星期就有另一種挑戰了 加油✈️。」