企業強人｜龔嘉欣四種喊法技驚四座　獲網民封為「淚之女王」

龔嘉欣入行16年出名肯博肯捱，最近主演的無綫（TVB）熱播劇集《企業強人》收視口碑不俗，她更大展出色演技，於一晚四場喊戲，展現出四種層次的演技實力，被網民封為「淚之女王」，更獲力推做視后！今日（10/10）嘉欣現身南昌出席《企業強人》宣傳造勢活動接受《香港01》訪問時表示：「其實網民畀呢個名我，我真係好驚喜。而今年係我入行16年，大家睇住我由小妹妹，慢慢咁樣進步。而我拍嗰幾場戲，其實係好大壓力，因為當年《幕後玩家》我攞咗獎之後，到而家我再去演嘅時候係有壓力，係會諗點樣可以令到觀眾睇到以前同而家唔同嘅我。」

嘉欣續說：「其實拍之前我係會諗好多嘢，但到拍嘅時候我係乜嘢都冇諗過。諗返以前細過嘅時候，係需要聽歌等培養情緒，但而家就唔再需要，因為好快就可以投入得到，想做咩就做咩。而本身自己都係好眼淺嘅人嚟，亦喊唔停嘅人嚟，變咗有時拍完喊戲個人係好攰。而令夠做到網民心目中呢一個名，我真係好驚喜。」