警聲百二秒 II｜莊子璇收詐騙訊息險中伏唔見5千蚊：朋友急需要錢
撰文：吳子生
出版：更新：
莊子璇（Hilary）今日（3/10）現身電視城出席無綫節目《警聲百二秒 II》錄影，提到防騙意識，Hilary受訪時表示仍有待提升：「原本以為自己防騙意識係高，但點知做呢個節目之後，先發覺自己係唔高，因為佢哋嘅警覺性好高。好似之前咁，我就差啲中伏俾人呃。事源有一次我喺社交平台收到好朋友嘅短訊，話急需要用錢，需要借5千蚊，因為我同呢個朋友都好好關係，諗住過錢俾佢之際，突然諗起如果真係咁急，佢係會打俾我，跟住我就覺得有可疑，於是就叫佢留語音俾我，但佢冇回覆我。跟手我就WhatsApp我朋友問，佢就話嗰個人唔佢，就係咁最終幸保不失。」