陳蕊蕊斥資6位數開生酮茶飲店　計劃到內地開分店

曾在《耳分高下》擔任「Sing之天使」嘅陳蕊蕊，其茶飲店今日（29日）喺戲曲中心開幕，她接受訪問時透露今次投資6位數，又謂因為自己喜歡飲珍珠奶茶但又怕肥，所以一直有計劃開生酮茶飲店，而剛好上址出租，所以決定一搏。「我哋揀茶都好講究，又會用代糖，再用桃膠代替珍珠，我哋會做慈善送俾老人家，因為佢哋都啱飲。」陳蕊蕊又指老公因為唔係生意人，所以無俾任何意見，但全力支持自己。另外，她亦有計劃到海外或內地開分店，但暫時想做好香港店先。「競爭大又唔係話唔好，有獨特性都係發圍因素。」

除咗茶飲生意，陳蕊蕊近年亦有拍片做飲食KOL，她表示辛苦在不斷要食。「我做得生酮都係注重飲食健康，但有時無得唔食，唯有平時盡量食少啲，因為拍嘢無得假食，又唔會食完扣喉，好在團隊嘅人都會幫手食。」