樂翊榆參選《環球小姐》騷美腿備戰：想用一百萬獎金進修MBA

樂翊榆（Annalise）早前參加《環球小姐》香港站選舉，而今晚（26/9）就是決賽。早前她接受《香港01》時，坦言離比賽還有數天時間，心情特別緊張。她說：「本身代表過香港參加第48屆洲際小姐選美比賽，但係依家心情同樣咁緊張同興奮，但緊張之餘，我都已經做好晒準備應戰比賽。」

她續說，就算最後落敗也好，亦會祝福贏出的佳麗，因為她除了代表香港出國比賽之外，也代表了其他的佳麗，責任重大！她說：「以前我做過好多不同類型節目的主持，因為我係自由身藝人嘅關係，所以有幸參加到呢個選美比賽。籍呢個比賽，又可以拓寬自己眼界又可以得到更多工作機會。嚟緊我都進修緊幕前演技課程，希望下一次會喺劇集同電影入面同大家見面。比賽有100萬獎金，冠軍當然重要，但係更重要嘅係我可以用呢一百萬去劍橋進修MBA。讀完之後對我事業幫助好大。」