樂壇新人范明熙被網民批「公仔樣」：可能佢哋會覺得我靚呢
撰文：吳子生
出版：更新：
樂壇新人范明熙（小V）今日（23/9）現身九龍塘《第十二屆微電影「創＋作」支援計劃（音樂篇）》配對會暨微電影製作啓動。小V今年7月正式出道做歌手，更推出首支派台歌《隨便放閃》，成續不俗。小V接受《香港01》訪問時表示：「其實我未入行嘅時候係做台灣地區嘅直播，機緣巧合被唱片公司睇中，就係咁做咗歌手。之前本身自己係好鍾意唱歌想做歌手，冇諗過最終成真，令我覺得好意外。」
小V明白由直播主搖身一變成歌手，難免都會面對網民的批評：「其實好多人都好執着我嘅外表，點解會公仔樣，又會話我係咪去完韓國返嚟。但我自己就唔介意，可能佢哋會覺得我靚呢。而家喺網上面都見到好多靚女，好多都係加工過，但其實佢哋背後都付出好多努力，反而我都好尊敬佢哋。」