肥媽宣布做通波仔手術即時停工休養 瞓醫院自爆心肌痛兼暈倒
撰文：金秀玲
出版：更新：
現年70歲的肥媽（Maria Cordero）雖然向來中氣十足，但今日（23日）早上她發布一條瞓醫院短片，透露將要做手術。她在直播中交代身體情況，表示：「通波仔啫，我心臟塞，有一日心肌痛，痛到好緊要，出晒汗，暈喇，再度，血壓好高、氧氣好低，咁就入嚟喇。而家醫生話要做手術，大家唔好擔心，我拍條片即係話畀大家聽，呢兩日嘅Facebook、YouTube、WeChat我就唔得閒做喇，我好返先，我做完手術唞吓先，然後再同大家見面，唔好意思。」
她留言：「要同大家講聲唔好意思， 因為身體有啲唔舒服， 陣間都要做手術， 所以嚟緊呢兩星期的Live 都要暫停， 等我休息下， 謝謝大家🙏🙏🙏❤️❤️」很多圈中人都跟她講加油，尤其一班《中年好聲音》家族的成員，如周國豐、譚輝智、周吉佩、沈宗賢、林鉫偉等，大家都祝她手術順利，早日康復。