愛回家｜古佩玲樣貌被批僵化 皮笑肉不笑好奇怪：下次我笑燦爛啲
撰文：蘇國豪
出版：更新：
《2024香港小姐競選》決賽日前已圓滿結束，賽果亦塵埃落定。但當晚賽前的紅地氈部分相當十分精彩，多位女星性感打扮引來多個話題，至今討論度仍不斷。而其中有份出席的古佩玲（Kelly)就被網民批評樣貌極度僵化，皮笑肉不笑似的，再度質疑她變臉。而17日她就出席《愛回家》迎中秋活動就大方回應變臉疑雲。
在港姐決賽日紅地氈上，古佩玲獲安排同葉倩文（candy)一同出場，她身穿白色亮片露肩長裙，展現白滑玉背及長腿，仙氣十足。而candy則身穿綠色低胸裝，傲人身材盡現，二人同框畫面一出，引來不少網民激讚candy完勝。事關Kelly的樣貌被指顯得突兀，看似皮膚過度緊緻，微笑時臉頰顯得不自然，被批評樣貌僵化，甚至質疑她樣貌有再進化疑雲。
對於網民的質疑，Kelly亦大方作出回應表示：「其實我嗰日着住條白色嘅裙，我覺得比較優雅，所以我嘅微笑係淡啲嘅，我覺得如果笑得好燦爛唔係特別符合嗰條比較優雅嘅長裙，我係特登design過，（話你皮笑肉不笑好奇怪喎）可能下次我要笑得再燦爛啲，因為依家好似講嘢咁笑容會大啲。」