真正喼神？資深音樂人家中藏2百個行李箱似倉庫　大部分齋擺唔用

台灣資深音樂人黃國倫同老婆寇乃馨結婚15年，婚後育有一子，寇乃馨近年不時直播帶貨。日前她在小紅書分享家中嘅「行李收藏區」，呢個「行李收藏區」要細分為「齋睇唔用」、「Little Twin Stars」、「有用」3個房間。

寇乃馨最先介紹「齋睇唔用」房間，由影片所見，房裡約有50多個行李箱，當中包括大量RIMOWA ，寇乃馨每年都會買入品牌嘅限量色，仲話「這顏色誰捨得用啊」；而「Little Twin Stars」房間，有4排約40個都係Little Twin Stars嘅行李箱，全部都整整齊齊咁排隊，最後一間房係放置仍會使用行李箱，當中都係有唔少RIMOWA ，而有部分已「退役」行李箱，寇乃馨會用嚟擺放禮服，又指自己行李箱約有兩百多個⋯⋯

影片曝光後，唔少網民都表示「以為去咗行李箱廠商倉庫」，又有認為寇乃馨用3間房擺行李箱，又一次被貧窮限制想像。