徐少強病逝｜舊愛雪梨曾指當冇識過呢個人　仍拋開恩怨罕發文悼念

徐少強月初於北京因食道癌離世，終年73歲。除了幕前扮演大俠、惡人，他私下的感情生活亦相當精彩，最轟動的莫過於他與雪梨的一段情。當年他瞞著第二任太太何淑寬與年僅15歲的雪梨搞婚外情，誕下兒子徐偉棟及女兒徐頴堃，引起極大爭議，更有很多人覺得徐少強害了雪梨的一生。

雪梨曾透露本來兩人在1986年決定簽字結婚，但當日徐少強忘記帶上與前妻的離婚證明書而無法成事，最後成為雙方分開的導火線：「嗰陣係自己盲目，我係睇錯人，但都無辦法，當自己無認識過呢個人。」儘管最終徐少強都冇畀名份雪梨，但多年來雪梨都很少對外講徐少強不是，她解釋過是「哎吔奶奶」（徐少強媽媽）曾表示希望佢「口」下留情：「徐少強個形象已經夠負面，我應承佢，因為我都係人阿媽，我理解佢諗法。」對於自己嘅選擇，雪梨都冇後悔：「我係睇錯咗，但都冇辦法，唔通挖自己對眼出嚟咩，我已經Delete咗呢個人。」

而隨著徐少強離世，雪梨亦拋開一切恩怨，以簡短10字哀悼這位舊愛，她留言：「祝徐少強先生一路好走。」網民就說她善良有量度，兼且有情有義。