香港小姐2024｜麥美恩大膽話要炒汪明荃　阿姐即場反應佳麗狂道歉

《2024香港小姐競選》決賽將在今晚（15日）舉行，來到萬眾期待的泳裝環節，兩位司儀一如以往地問問題，一考佳麗急智，今次泳衣環節司儀竟將大膽將汪明荃拉埋落水？香港小姐2024得獎名單｜冠亞季軍已誕生

當10號吳芷靖（Clary）被問到如何開口炒麥美恩，吳芷靖稱:「我覺得Mayanne師姐好辛苦，做得好好呀，我會建議Mayanne師姐休息一陣，出去玩一玩，再返嚟幫手。」之後麥美恩稱:「TVB委託你要炒一個好重要嘅人，佢就係汪明荃博士汪阿姐!」汪明荃反應極快回覆道:「係囉，你係咪有同嘢同我講?」吳芷靖先說:「我冇咁嘅能力。」在麥美恩慫恿下，吳芷靖終於講出口：「咁你休息一陣啦!」

講完之後吳芷靖不斷道歉，汪明荃有點愕然，稱:「咁你......」麥美恩打圓場後，汪明荃指:「坐多陣啦!」麥美恩續大讚汪明荃好玩得，汪明荃則搖搖頭表示好氣又好笑。而吳芷靖獲得58分，算是不錯成績，麥美恩則稱:「炒得好呀!」