許靖韻（Angela)今晚（13/9）現身銅鑼灣出席新店開幕。Angela受訪時透露未有想法創業做老闆：「喺上年年底我買咗層樓，喺今年年尾就要開給供樓，每個月供3萬蚊，對我嚟講都好大負擔，係好有壓力，變咗而家我要勤力做嘢搵錢，所以希望大家搵我唱歌。（使唔使節衣縮食？）都還好嘅，而近排都好開心去咗旅行，大家見到我啲皮膚係好黑咗好多，因為去旅行期間係陽光與海灘，變咗呢排我係做咗好多美白嘅療程，希望快啲白返。」許靖韻透露今年年底開始要供樓。（梁碧玲攝）許靖韻今日出席新店開幕。（梁碧玲攝）