「大灣區男神」同粉絲High Five零架子　當眾拒絕簽名有原因？

周柏豪（Pakho）近年積極開拓內地市場，先後參與了多個綜藝節目，包括《聲生不息》、《披荊斬棘2》、《大灣仔的夜2》等，人氣急升，更被捧為「大灣區男神」！日前周柏豪現身深圳出席一個運動品牌活動，以一身灰白色運動Look上陣的他靚仔有型，不少粉絲都一早到場守候！

當周柏豪現身時，有粉絲即大叫偶像的名字，並遞上照片要求簽名，希望偶像祝自己生日快樂，周柏豪亦大方應承，而當他簽完名後有另一位粉絲遞上一個空白手機殼，但周柏豪就婉拒：「呢個唔簽得㗎，對唔住呀！」雖然周柏豪最後未有幫這位粉絲簽名，但仍笑着道別，又同在場粉絲逐一High Five，不少網民都大讚他親民零架子！

而周柏豪拒絕簽名一事亦掀起網民熱議，紛紛猜測背後原因，有網民就推斷此舉是擔心有人掃描同偽造簽名，再放上網炒賣，因有顏色的簽名在拍賣網可炒至更高價錢，過往亦有很多名人因擔心自己個名被人利用來詐騙金錢而婉拒為粉絲簽名。