環球小姐2024｜佳麗甄蕎泳裝遇上M到恐失手見血：驚漏咗出嚟

香港區「環球小姐2024」今日（12/9）於觀塘舉行候選佳麗泳裝記者會。候選佳麗10號甄蕎（Yan Kiu)接受《香港01》訪問時透露，今日遇着M到令她措手不及：「講真今日狀應唔係咁好，加上好驚會失手見紅，係令我有啲唔自在同埋擔心。不過有啲佳麗知道我咁嘅情況，佢哋都好好都俾定啲護墊我，驚我漏咗出嚟，都有得更換。其實而家我咁嘅情況，我都覺得有啲冒險。而家見到大家都好熱咁，相反我就覺得有啲凍。」

被問到修身有否達到個人目標？Yan Kiu笑言：「其實由我面試到今日成個半月時間，我係瘦咗成8磅咁多，上圍係瘦咗半個Cup，如果我肥啲嘅時候係會多肉啲。（會唔會覺得做女仔好矛盾？）係好矛盾。因為我上鏡嘅時候係包包面，到我又想瘦啲再Fit啲嘅時候，上圍就縮水咗。（內衣要買過新？）係要再買過，因為唔啱着。（選美完結後，怕唔怕去唔返之前嘅狀態？）都驚呀，我諗到時要食返啲保健產品，又或者做返啲按摩。」