黑色月光｜視后被姦畫面率先曝光 被鎖手遭強吻極具張力
撰文：黃梓恒
出版：更新：
無綫新劇《黑色月光》去年12月底已經在深圳開鏡，落實有份參演的主演包括有：楊茜堯、王浩信、林夏薇、馬志威、尹揚明、黃翠如、楊卓娜、張頴康、何廣沛、楊明等。早前已出過一片預告片，知道林夏薇將與王浩信有超激床戲，日前又有最新片後釋出，視后楊茜堯被林俊其（馬志威年輕版）無情強姦！
楊茜堯為《黑色月光》可以說是去到盡，除了劇情畫面夠爆，私下也犧牲不少，她曾接受訪問時指，因要拍劇而長時間與家人分開，內心感到非常內疚：「雖然出返嚟拍劇，做返自己鍾意做嘅嘢，個人係會開心咗好多。但呢近我要抖一抖，因為我怕我嘅小朋友唔認得我，就好似呢套劇我喺內地拍咗兩個月，試過返嚟見大女「小珍珠」嘅時候，佢就會問我點解成日唔喺屋企，又會話我你而家又走？我話係呀。然之後佢又會話你可唔可以下次唔好去咁耐，你可唔可以留喺屋企耐啲，多啲陪我得唔得？佢又會講我唔想你去，你叫爸爸去做嘢啦。所以我聽到之後，我係好心酸，覺得好內疚，好對唔住佢哋。始終小朋友好快大，咁所以我都要係工作同小朋友之間作出平衡。」