Edan公開認追林明禎　網民呼籲「大表哥」Stanley超慘烈找數

MIRROR成員Edan（呂爵安）日前公會發表「追求宣言」，大方認自己仍然努力追女神林明禎，但二人仍是朋友，尚未追到手。Edan的霸氣追女方式，令不少人大為驚喜，獲不少留言都表示支持Edan，更指他是「真男人」。然而， MIRROR成員「大表哥」邱士縉（Stanley）卻因此被網民要求找數，非常無辜！

事源，Edan和林明禎早前被拍到一齊在歐洲撐檯腳食飯後，二人的緋聞傳得沸沸揚揚！大表哥月前出席活動時，對此稱唔想羨慕Edan，更稱99.9%一定唔係事實：「唔相信，我唔願意相信。（你唔相信佢追到林明禎？）我唔相信，你唔好逼我相信，我唔信。（人哋話俾你聽係咁點？）係，我Ｘ。」雖未知Stanley會Ｘ什麼，但大家依然想睇他找數！