Edan親回網民否認炒新聞：我唔想再俾大家有空間胡亂猜測

Edan（呂爵安）日前出席馬場活動時，被問到林明禎將在周來港出席活動時，即霸氣護花，叫傳媒手下留情，並再一次表示與女方在了解中，有好感會向大家宣告。J.Arie日前在Threads發帖：「了解中」係咪即係打咗羽毛球？，隨即引來不少網民留言，由於Edan其後亦有點讚該文，令網民以為他在默認。不過Edan今午在Threads澄清自己本身是想留言停止胡亂猜測，「但最後打消了念頭因為不想再節外生枝。沒想到這個過程卻不小心按到了讚好，令大家產生了誤會。」Edan又再一次強調今次是最後一次回應有關緋聞。

Edan發帖後，有網民留言指：「本身溝到就直接宣佈（布）/靜靜地贏唔洗炒新聞」，結果獲Edan親自留言回覆，指自己唔需要炒作新聞，又謂不嬲都唔認同「藝人要將私事一五一十坦白講出嚟，你對住阿媽都會有啲嘢想講有啲嘢唔想講」，Edan亦指由於理解記者與藝人職責問題，自己每次被問到緋聞時，都會盡量回應，但如今情況已影響他人，所以才會以正視聽：「我唔想再俾大家有空間胡亂猜測，希望你理解到！」