Edan呂爵安聞林明禎將來港出席活動　霸氣護花：大家手下留情

Edan（呂爵安）今日現身沙田馬場嘅「馬季開鑼日」。首入馬場，Edan都有試下自己嘅運氣，仲孖今日牛一嘅花姐齊齊玩兩鋪，結果黑氣石再度發功，Edan嘅心水跑尾二，花姐嘅心水包尾。Edan表示由於昨晚拍MV關於，所以同花姐及Jeremy一齊迎生日，至於黑圖賀壽呢一環，聽到花姐在旁溫提「你小心啲」，Edan亦謂「比較少影花姐，Jeremy都唔多，大家唔好咁大期望。（怕唔怕黑圖一出，又引起第二波戰爭？）都唔怕，上次有啲面容扭曲到以為係AI ，但好處係大家睇慣咗黑圖，一見真人會覺得幾靚仔。」

講到年底舉行嘅903籃球賽，Edan日前已率先與一眾DJ、193、張繼聰練波：「嗰日手風唔錯，但都有擔心到時903佢哋嚴防我，都入咗20幾分，都有air、有穿針嘅⋯」另外，提到林明禎本月13日將在香港舉行見面會，問到「少年嘅拼勁」報名字名，Edan即時霸氣護花：「我無嘅，大家嗰日手下留情啦。有咩問我啦。」