趙希洛再中新冠病足兩個月 透露有後遺症：對眼睇嘢有啲矇
撰文：吳子生
出版：更新：
趙希洛病癒後，於今日（7/9）出席觀塘書市活動。趙希洛透露早前確診新冠，病足兩個月，期間不斷咁咳相當辛苦：「而家個病情已經好咗好多，之前係咳到我市唔到嘢，長期喺屋企唔係食藥就係瞓覺，已經好耐好耐冇出去見人，連朋友都冇見，因為好怕會傳染到人。我知道好多人唔見咗我一排，以為我唔接嘢做，其實我只係病咗啫，好返我會繼續做嘢。不過而家我對眼睇嘢有啲矇，唔知係咪後遺症。因為以前我對眼視力係好好，睇嘢好精靈同好清楚，我啲朋友笑我會唔會係老花，我覺得唔係囉。」