連詩雅產女近2個月堅持餵母乳　目測儲逾300包人奶打爆冰櫃﹗

連詩雅（Shiga）今年7月18日為老公陳家樂，剖腹誕下女兒Camila，陳家樂在B女出世前一天回港，陪入產房見證女兒出世並親手剪臍帶，留家一星期後就動身飛返馬來西亞繼續開工拍劇。轉眼Camila已近2個月大，獨力湊女的Shiga選擇全母乳餵哺更大曬成果。

根據世衛建議，嬰兒出世頭6個月都應該母乳餵哺，即使6個月過後開始嘗試食固體亦可以繼續，因為母乳所蘊含嘅營養係無可取替，所以即使再辛苦，好多媽媽都堅持餵母乳。留在家中獨力湊女的Shiga，選擇親密而艱辛的全母乳餵哺。

Shiga努力實行全母乳餵哺，除了親餵亦積穀防饑以備不時之需，她在IG STORY曬出成果：「生完頭五日都無奶，跟住上咗奶之後就開始慢慢儲，依家6個禮拜嘅存貨，希望儲得幾多得幾多。」三層冰格放滿一袋袋母乳，粗略計算6星期存貨有逾300袋，相當震撼。