紮職3｜黎峻刀捅周勵淇塊面勁緊張 上堂整傷手腕：3個月冇得健身
撰文：張祖銘
出版：更新：
32歲英皇藝人黎峻（Kenneth）最近有份參演英皇電影《紮職3》，Kenneth接受《香港01》 表示：「係陶大宇嗰邊嘅頭馬嚟嘅，打戲嘅部份同張繼聰比較多啲。」他繼續最難忘與張繼聰在醫院拍攝打鬥戲，並表示：「自己都有去練武術同埋動作特技，真係去到拍嘅時候有啲緊張，張繼聰都有教咗我好多動作。」
刀捅周勵淇塊面勁緊張
講到其他驚險拍攝場面，他說：「有一場嚴刑迫供陳家樂，我負責將啲水落佢塊面嗰度，所以比較危險，嗰陣有用毛巾冚住啲水，全部都係真實去做，所以都緊張，陳家樂當然都有閉氣同埋做安全措施。」他透露與周勵淇演出的一個鏡頭也相當驚險，並表示：「我要拎一把好利嘅道具刀去捅周勵淇，嗰個鏡頭勁近，始終佢咁靚女好驚整花佢塊面。」他憶述與周勵淇拍攝這一幕是相當緊張。
自爆上堂整傷手腕
被問到有否因拍打戲而受傷，他表示：「沒有。不過自己上動作堂時候，唔小心整到手腕個骨移咗位，有3個月冇得健身，好彩係左手，起碼可以平時撳到電話。」他透露看跌打治療，並表示：「幾日冇得洗手！」
+3