Jeremy與古天樂同場超緊張　9.8生日拒與花姐打羽毛球

Jeremy（李駿傑）今日與古天樂齊齊出席活動，如此近距離見到男神，Jeremy緊張到紅都面晒，淨係敢講一句「古生，你好」，I人到極致。

Jeremy日前與近千Unicorn提早慶生，他表示強烈感受到大家嘅愛，讚他3分之2嘅生日願望都同粉絲有關，他即笑言：「生日唔係淨係慶祝一次嘛，所以可以有好多願望。（另一個願望係咪開騷？）當然想，對上一次已經係1年前，經過今年歷練，好希望呈現一個更好嘅Jeremy俾大家睇。」距離生日（8日）仲有幾日，Jeremy話未知點慶祝，但希望「生日群組」已為自己mark期，問到會唔會與同日生日嘅花姐慶祝，佢就咁講：「一齊食燒肉啦，唔好燒雞。（一齊打羽毛球？）我諗花姐年紀⋯⋯i mean太激烈，一齊燒肉算。」

而講到903籃球賽，Jeremy輕嘆一聲，表示希望有機會掂到個波。「以前真係玩排球多啲，所以我掂到個波、唔阻人已經好叻。」