陳豪被內地按摩店老闆集郵　傻笑否認幫襯：我最憎就係揼骨

陳豪昨晚錄影《大師兄開學感謝祭》錄影，曾在獎門人因「出色」表演而獲封最強弱者嘅佢，喺接受訪問時被問到有無信心成強者時，陳豪即十分得戚表示：「我不嬲都勁。（邊part 最有信心？）每一part 。都值得自豪，今晚一定要贏大獎，要優雅地贏。」講完隨即失笑表示其實零信心。

陳豪透露近日冇劇在身，只係間中返內地登台，所以比較有時間照顧小朋友。「佢哋啲功課我都係盡量幫到就幫，雖然佢哋國際學校，但都重視中英數。（會唔會做到11點都未瞓？）我成日都講如果係咁證明佢無好好運用時間，唔係俾壓力，咁佢哋早啲做早啲玩。」

另外，提到日前有網民分享與陳豪合照，並表示「來我們家按摩店，很激動」陳豪聞言後即傻笑，並謂「我最憎就係揼骨」，得知被抽水，陳豪笑住強調「我唔鍾意揼骨」，並指如果喺內地有時間的話，大多去咖啡店，仲話一直有打算進軍內地。「去內地開係要重組，係有打算，因為香港仲有發展空間。（有無心水城市？）上海、深圳，不過二線都有發展空間，到時再講啦。」