談善言今日（3/9）現身金鐘出席品牌活動。談善言受訪時透露最近忙於拍攝劇集，為配合劇中角色更將頭髮染成紅色格外有型：「之前留咗一段時間長頭髮，啲朋友成日問我幾時會再剪短，點之咁啱今次為咗呢個嘅角色我又剪短咗。（紅色頭髮慣唔慣？）其實我係好唔慣，平時如果我要染，我都係染一啲比較淺色又或者一啲冷色。而染紅色真係我第一次染。不過大家見到我咁嘅顏色，應該係會有新鮮感。其實紅色嘅頭髮，主要係襯返個角色嘅性格，係熱情同埋熱血感。」談善言覺得短髮容易打理得多。（梁碧玲攝）談善言今日出席品牌活動。（梁碧玲攝）