李尚正重提當年嚴重車禍撞凹貨車尾部　至今翻風落雨都會痛到醒

被喻為「有線一哥」嘅李尚正日前接受港台訪問時，重提2010年嘅車禍後遺症，他表示當時騎電單車遇上兩線轉一線，收唔切油撞上貨車尾部，他說︰「架貨車尾凹晒，我個人都散咗一樣」，他表示如今心情好上算是已平復，但身體部位，但凡翻風落雨都會骨痛，程度係「痛到會醒，瞓唔到」的地步，李尚正曾在其他訪問提到當年車禍後，肺穿窿積水，停工半年，只能係靠保險過活。

近年李尚正與盧頌恩所拍嘅《臥底旅行團》大受歡迎，他在訪問中提到曾在拍攝中被「鎖門」，但幸好盧頌恩出手買嘢而獲放行，又試過被同行團友報串而獲優待。入行多年，李尚正做過唔同工作，但他表示從未推過job，因為他視每一次為機會。「每一次都都會有擔心，但硬著頭皮去。」他又提到本身想在30歲時退休，但如今與目標仍有距離。