梁洛施唔想仔仔太早拍拖　與Edan合作新戲「值得期待」

梁洛施今日現身醫美品牌旗艦店開幕，她接受訪問時表示十分滿意今次酬勞，仲話係大家都開心嘅數字。講到扮靚，梁洛施有唔少心得，而佢仲話因為仔仔成日有戶外運動，所以都要佢哋做好防曬工作。梁洛施又謂隨著小朋友開學，可望有更多me time ，亦望經濟轉好能有更多工作。「小朋友嘅功課都係提醒，以自主學習為主，因為都14、15歲，佢哋都好支持我去工作。（Bob話佢大女拍拖）係咪女仔早熟啲？仔仔可能比較運動，唔使返學就玩好多球類運動，所以未經歷見家長呢階段，你問我緊係唔好，要專心讀書，好好享受現階段。」

提到早前與Edan（呂爵安）喺新戲《法迷藏》合作，梁洛施除透露演員陣容，又謂拍攝時因天氣、情緒而十分辛苦，所以完成拍攝後小休了兩星期，但問到對Edan有何評價時，她即時大賣關子，叫大家期待。