伏明霞一家五口齊撐國家隊　兩子高過梁錦松大女氣質似媽媽

內地奧運健兒代表團近日訪港，夢幻跳水隊及游泳隊日前（31日）喺維園游泳館進行表演，兩位「跳水皇后」郭晶晶與伏明霞亦有到場支持，而伏明霞仲有埋老公梁錦松同三位子女去到後台休息室「集郵」。

由網上片段所見，伏明霞一家五口喺維園游泳館遇見傳媒亦有企定定影相，而喺休息室等待與一眾現役國家隊運動員合照時，」郭晶晶向眾人介紹「這是我們得大師姐」，伏明霞即笑笑口表示：「我老了」之後逐一向運動員介紹3名子女，又安排大家合照嘅排位，不過全程3名子女都係負責點頭同微笑，同十分健談嘅媽媽形成強烈對比，而梁錦松亦全程企埋一邊。由片段所見，伏明霞兩名兒子都已經高過爸爸梁錦松，而21歲大女樣貌似乎最似媽媽伏明霞。伏明霞兩名兒子都已經高過爸爸梁錦松，而女兒嘅氣質同媽媽伏明霞不相伯仲。

伏明霞與前任財政司司長梁錦松於2002年結婚，婚後育有三名子女，分別為21歲大女梁司渝、20歲二仔梁皓嘉及16歲細仔梁家瑋，為怕影響仔女生活，所以伏明霞近年甚少分享一家生活照。