MC自爆有同圈中人打羽毛球　Jer唔敢落場903籃球賽：有信心甩鞋

MC張天賦與Jer應柳廷完成首場《KATCH OUR LIFE Jer柳應廷 x MC張天賦音樂會》後齊齊接受訪問，Jer表示已使出看家本領，問到點解無安排跳舞時，MC即將責任攬上身，表示是為了遷就自己。

Jer表示為了結他部分，練了個多月，但演出時真係太緊張，所以震都出錯。同樣結他部分出事嘅MC亦解釋：「結他solo同結他係兩回事，就等於走位同跳舞都兩回事一樣。」MC又再自爆已經無數全晚出錯，又笑稱這才叫live。

提到早前由Edan 引起嘅黑圖之戰，MC之後亦親自落場，問到Jer點解唔落場，他表示無存貨喺手，又表示「已戒」，而MC表示已參與，所以唔考慮。「我得Stanely唔著上身衫啲圖，個人無咩儲開，Edan電話最多，佢所有人都有，包括花姐。」

提到903籃球場將再舉辦，Jer即謂最有信心甩鞋，因為上一屆都試過。「我落場應該30秒就俾人換走，搞足球賽我就OK。」在旁嘅MC即謂中學有打羽毛球，問到最近有無人約打羽毛球，佢口快快過「好耐之前有同陳柏宇打」。