孖Jer柳應廷開騷笑稱是黐線佬　MC張天賦首唱新歌自爆撻Q

MC張天賦與Jer應柳廷今晚（30日）喺亞博開騷，二人以《第二人格》揭開序幕，之後各自solo時，Jer在《約齊靈魂在墳墓開生日派對》打太鼓，十分型格。除了自己作品外，Jer與MC亦有互唱對方的作品，令歌迷十分驚喜。

Jer表示與MC有唔少相似地方，同樣係「黐線」，而呢兩位非常唱得嘅黐線佬，亦揀選了《半》、《下流社會》，二人在小舞台盡情「成魔」，但由於歌衫太熱，MC不時抹汗，十分好笑。

演唱會尾聲，二人再次現身小舞台，又笑謂大家連encore都慣得叫，於是直接開始《世一》，緊接《反對無效》時，二人由小舞台返回大舞台時，一直與粉絲握手。最好笑MC上台後，自爆首唱新歌《Aint No Fool》時因太緊張，所以「炒炒哋」，而Jer亦表示希望聽晚有更好狀態。