周殷廷窮到八達通唔夠錢要行去目的地 與環球續約條件係開紅舘
撰文：鄺鈺瑩
出版：更新：
周殷廷日前突然有感而發，於社交平台講述出道時因為窮，連食飯轉凍飲都要諗過度過。今日他出席西九音樂節記者會時，除透露與唱片公司續約進展外，亦大講「窮」經，他表示窮到盡頭時，一分一毫都有分別。「唔知你有無試過想返屋企 ，拍八達通時係唔夠錢去你想要嘅站，然後要行幾個鐘返去，我係有試過窮到呢個程度，做crew唔係大家想像中咁風光，所以有感而發。」YT大哥又謂目前雖然可以叫凍飲，但仍在努力中，希望可以食飯時加底。
除咁要有凍飲外，YT大哥亦宣布於未來一年為全港中學免費演出，他解釋是因為自己中學時曾感到徬徨，希望用自己嘅經歷去鼓勵大家要堅持，問到是否以義演來宣傳自己，他直認不諱：「絕對係啦，要盡量消費全港中學生，呢個係我發達之計，所以之後無凍飲㗎啦，因為義演。」