鄧小巧被取笑名字與肥胖體型不符　大方自嘲：係違反商品說明

鄧小巧自《超級巨聲》出道以來體型都不是纖瘦類，即使她在網上公布婚訊時，都招惹到網民苛刻評價，她亦曾撰文表示自己多年來被嘲肥、豬扒、老公重口味等，指網絡暴力很可怕，不過自己認為「得到愛，唔一定要生得靚。」而近日又有網民開她玩笑，「佢屋企人幫佢改個名做小巧係咪玩X佢？唔係想笑佢體型肥胖，但個名令佢肥咗會有落差都幾大整惑（蠱）」

鄧小巧竟現身回覆留言，她說：「麻煩你幫我問吓我阿爺，不過佢喺我一歲嘅時候過咗身啦，所以我都唔知點解。」之後再詳盡回應：「其實老老實實，我自己都真係想問吓我阿爺，點解叫我做小巧🤣🤣🤣不過我啲家姐全部都係小X，啲堂家姐都係🤣不過阿爺喺我一歲嘅時候就過咗身，所以冇得問。我估佢當時係識一個成語叫『小巧玲瓏』所以先改掛🤣雖然違反商業說明，但我都覺得小巧係好名嚟嘅😇😇😇」網民就指「小巧」是個好名，代表長輩的期望，更指她不只是「小巧」，是「巧巧（諧音：好好）」