陳百祥大排筵席慶祝結婚45周年　吳卓羲失戀近況曝光疑心事重重

現年73歲前無綫（TVB）金牌司儀陳百祥（阿叻），與太太黃杏秀結婚45周年，作為「愛妻號」的阿叻就算開工都要拉埋同事慶祝，哄太太開心。近日陳百祥再大排筵席，慶祝結婚周年，吳卓羲亦有露面，曝光分手近況。

阿叻鍚到老婆燶，宴會期間再攬住黃杏秀高歌示愛，冧爆老婆。圈中多位藝人均有現身，包括林文龍、郭可盈、王晶等人，而剛歐遊回港的林文龍亦與阿叻合唱，哄郭可盈開心。郭可盈又穿上短褲仔示人，氣質依然優雅，Keep得非常好。

吳卓羲也現身祝賀阿叻，並與阿叻及黃杏秀合照。然而相比其他賓客，吳卓羲顯得強顏歡笑，看似皮笑肉不笑，疑有心事，惟精神尚算不錯。吳卓羲前緋聞女友、前「星夢一姐」菊梓喬（Hana），被爆與ERROR成員33歲的吳保錡發展姊弟戀，後他出席活動，《香港01》表明想做訪問，吳卓羲即場落閘笑著用手似在擋鏡頭拍攝表示：「點呀，點呀，冇嘢問，拜拜。」看來與菊梓喬分手對吳卓羲心情都有點影響。