Do姐望喺商台長做長有　預告下月牛一將放假

Do姐（鄭裕玲）昨晚出席商台65周年台慶，她表示自己加入商台已經13年，「咁耐都係做《口水》，因為我下午比較得閒啲，同埋我又鍾意講嘢、分享，呢個節目好啱我，同埋拍檔愈來愈順，對住佢哋好開心，我無諗過做電台節目可以做咁耐。」Do姐又指如今仍有新鮮感，加上透過節目認識不同朋友，故希望能長做長有。

Do姐向來愛煲劇，問到她近日心水，她表示日前連印度劇都撈埋，但詳情就要留待在節目中分享。Do姐又指由於要開咪、又要追劇、又要運動、加上YT頻道，所以生活十分充實，但亦都感到開心。而提到黃子華將在年底有舞台劇，問到Do姐會否要撲飛，她說：「如果我要睇都一定睇到嘅，但12月⋯而家好多jobs ，不過有時間都會去捧場，唔只係子華，仲有嘉玲，有時間一定會去睇。」Do姐表示自己都鍾意舞台劇，但長時間排練對她來說是個考驗，但如果遇上喜歡嘅劇情，都會諗諗。