TVB億萬富婆陳曼娜為孫女慶生 年初自爆受眼疾困擾30年再做手術
撰文：鍾路淂
出版：更新：
前TVB「億萬富婆」陳曼娜（Manna姐）近年養尊處優，年初曾透露因30年前手術失敗幾近半盲，將再做手術矯正。8月尾是其大孫女7歲生日，Manna姐開心分享合照，笑得相當燦爛，相信手術相當成功。
年初出席MakerVille原創劇《飛黃騰達》拜神儀式時，透露身受眼疾困擾三十多年，將再做手術：「其實喺呢咁多年嚟，我係半盲狀態，因為喺三十年前我去咗做矯正近視嘅手術，點知最後手術失敗，我視網膜脫落咗，視力得返一半，而且因為咁我經常跌親。嚟呢個活動前，我先見完醫生，過兩日醫生會幫我做一個手術，用最新科技將隱形眼鏡導入隻眼裡面，完成咗之後，我唔使再戴近眼鏡，視力就會清楚啲。」
相隔5個月後，Manna姐為大孫女慶祝7歲生日，留言：「我的寶貝大孫女七歲生日快樂！主的恩典！何其佳美!⭐️✨❤️感謝讚美主！Amen !🙏🏻」見到Manna姐在家中都未有配戴眼鏡，望住孫女笑得相當燦爛，相信手術相當成功。