尹光苦等7年終趕上張敬軒獲頒大學榮譽博士：之前不知幾羨慕佢
撰文：吳子生
出版：更新：
尹光（光哥）今日（23/8）於觀塘舉行《命硬八十》新歌發佈暨八十大壽生日會。光哥受訪時透露獲法國北歐大學頒發榮譽博士令他大感意外：「喺個幾月前，突然收到佢哋通知話俾我，我自己都唔敢相信，我以為佢哋講吓笑，後尾發覺真係嘅。記得張敬軒17年就攞咗，當時我不知幾咁羨慕佢，就係咁等下等下就7年，終於有機會落到我手，真係好開心。」
光哥續說：「法國大學嗰邊話我帶咗好多歡樂俾香港市民，佢哋又話我係香港嘅Icon喎，而我自己又真係唔知，佢哋話Icon咪Icon囉，反正我係鍾意唱啲開心歌俾大家聽，但正經歌我又有喎，而我細細個係做大戲出身，又會唱粵曲，但相俾之下，我都係鍾意唱開心歌多啲。」