林柏宏祝福許光漢當兵順利　唔敢力爭「男神」位置

林柏宏、蔡思韵、Marf與Tyson Yoshi今日齊以冬裝出席時裝品牌活動，林柏宏透露昨日已來港亦有四出逛街，但大多數都係工作人員出手買嘢。林柏宏又話原來同蔡思韵有唔少共同朋友，而男友劉俊謙亦託她今日向林柏宏打招呼問好，問到如果有機會合作的話，林柏宏話想要做兇狠嘅殺手。

提到許光漢日前入伍，林柏宏表示事前不知情，但亦會祝福對方。而他當兵時，每日都食飽瞓得好，身體十分健康，問到如今「男神」暫時小休，會否努力爭上游，他依然係祝福對方，又話如果對方退伍後，如果有好機會，都希望可以再合作。