古天樂10月生日會門票火速售罄　黃牛開價3萬元保證有好福利

古天樂每年10月生日都會延開多席，與影迷及好友齊齊慶祝，過往曾在沙田某酒家延開50席，每位影迷只需付費180元，即有得食有得拎（回禮），最後仲有大合照環節，十分抵玩。

古天樂今年嘅生日會將在尖沙咀彩福皇宴舉行，每位會員入場費3百元、非會員5百元，想參加的都需於影迷會網站報名。日前有黃牛喺小紅書出售生日會入場名額，並以「一對一合照留念交流」為賣點，開價26800人仔（約港幣2.9萬），比非會員價高出58倍價錢！

而呢位黃牛更表示「不要輕信自稱官方人員」、「我合伙人已經去問古仔團隊的人了」、「咱們這邊是自己人帶過去」以增加說服力。貼文見有唔少fans問價，有影迷即留言溫提大家唔好上當，並強調「沒有一對一的（合照）」。據悉，今年嘅生日會門票日前已開賣，5百名額火速售罄，不少內地粉絲都話連表格都填唔到，再加上後補已排3百多人，因而感到十分絕望。