鍾采羲拍微短片講人狗情 憶起自家毛孩離世感痛心：對我打擊好大
撰文：吳子生
出版：更新：
鍾采羲（Iris）今日（21/8）現身上環為微短片拍攝。Iris受訪時透露今次短片故事內容，主要講述人與寵物之間的感情，猶如親人般關係：「今次我演呢個角色，令我諗起之前養咗十幾年死咗嘅狗狗，我由細養到佢大，佢真係好似一位小朋友咁，好有人性。佢因為年紀大身體開始衰退，再加上有次家中姐姐俾咗啲唔應該嘅嘢食佢，令佢食物中毒身亡，我哋全家人都好傷心。之後我媽媽就炒咗嗰個姐姐。狗狗嘅離世，對我打擊好大，我係用咗好耐時間先可以走返出嚟，其實過程都係唔開心又痛苦。之後我都唔敢再養寵物，好怕要再次面對呢種傷痛。」