35歲「騷Body擔當」串爆黃宗澤「滑稽」　曾被對方笑露得少太保守

35歲女藝人蔡潔近日參演無綫（TVB）電視劇《法證先鋒VI：倖存者的救贖》，第二集即有出浴場面，大騷膊頭又露小腿，可是對於一向不吝嗇騷Body的蔡潔而言，比起以往大尺度性感場面，可說是突然保守，連同劇的黃宗澤（Bosco）本月為劇集宣傳時，接受傳媒訪問期間，都串爆蔡潔上次有大露背，今次出浴戲「冇嘢睇」，導演太保守。

日前蔡潔接受無綫（TVB）娛樂新聞台訪問，竟然當場串爆前輩黃宗澤「滑稽」。當日上台演唱的蔡潔理應要背好首歌，但當日卻要靠提示卡偷睇歌詞。接受訪問期間，主持人及關楚耀先是客氣地稱讚蔡潔唱歌好聽，被問到是否緊張到擔心忘記歌詞，蔡潔則稱驚不記得歌詞：「琴晚練呢，嘩真係一片空白呀！然後我就即刻叫工作人員，唔得啦，要準備歌詞。」

蔡潔突然又扯黃宗澤落水，將原因「賴」落黃宗澤身上，更串爆對方「滑稽」，她說：「其實我而家都開始，唔知點解呢，可能跟得Bosco多，開始個形象有啲改變呀，開始有啲滑稽呀！所以我都唔Care啦，頭先喺度單手掀Cue卡。」一旁的關楚耀則微笑不語聆聽，顯得相當有禮貌。