《東張西望》主持離巢TVB即遇惡耗 老爺突暈倒離世：實在太突然
撰文：洪曉璇
出版：更新：
2008年加入TVB，早前被曾志偉踢爆離巢TVB的《東張西望》主持容羨媛，8月2日離巢後，相隔半個月竟宣布惡耗，指老爺在家中突然暈倒，送院後搶救無效離世：「對於我哋嚟講實在係太突然！」
《東張西望》主持婦科病入院做手術 子宮十幾粒瘜肉：常大量出血
對容羨媛一家來說今年可謂波折重重，月前她拍片透露入院做手術，子宮有十幾粒瘜肉常大量出血曾嚴重影響生活。離巢工作12年的TVB，準備展開新生活，家庭卻又遇上重大變故。
容羨媛透露：「兩星期前，老爺喺家中突然暈倒，送院後搶救無效，人生無常及時行樂，我老爺做到了，因為喺佢走之前一刻佢依然做緊佢最想做嘅事，準備返工，送藥俾有需要嘅病人，食佢最鍾意食嘅嘢，只不過對於我哋嚟講實在係太突然！大家都話呢啲係福氣，因為佢臨走前冇痛苦，而我見到嘅佢，亦都真係好似只係瞓咗覺，好安詳！呢幾個星期大家見到我冇update IG，或者post，抱歉讓你哋擔心，但係實在冇心情，亦都唔想影響大家嘅心情！明天老爺出殯了，希望可以好好送佢一程，老爺你要喺天上繼續馬照跑，我哋亦會好好生活，珍惜當下❤️ RIP 老爺」