瑪姬開騷嘉賓黃建東明言上台爆衫騷肌：你有冇諗過嗰個係我演唱會

瑪姬（Maggie)今日（19/8）現身灣仔出席《瑪姬給女王的盛宴慈善演唱會2024》記者會。瑪姬受訪時表示：「去年12月第一次舉行我人生中嘅一場演唱會，諗住亦都係最後一次，點知相隔9月我又開第2場演唱會。不過今次呢個演唱會係慈善演唱會，變咗好多嘢我係唔使理。而上一次嘅演唱會係我自資去搞，所以有好多嘢都要自己一手一腳咁去做。今次呢個演唱會，我係請咗黃建東同尹光做嘉賓。」

黃建東接著說：「上次佢冇請我做嘉賓，我係嬲咗佢兩日，不過今次佢肯請我做嘉賓，我梗係搏盡佢啦。聽啲人講做演唱會要除衫，平時我冇乜機機會，如果到時可以再Fit啲嘅話，我諗都會騷吓啲腹肌。」瑪姬反問黃建東：「其實你有冇諗過嗰個係我演唱會呀？不如你自己搞一個算啦，你搞到要除衫，你知唔知有小朋友嚟睇㗎。」黃建東笑說：「我怕你嗰日着得密實會冇賣點呀！」