【震驚13億人】大陸翻拍《男兒當入樽》　 網民：唔好破壞童年

相信《男兒當入樽》(SLAM DUNK) (大陸釋名：灌籃高手)都是不少70，80年代男士們的回憶。由井上雄彥繪畫的漫畫在當時的影響力亦同龍珠不相伯仲，可以說是每個男生必須收藏的漫畫之一。其中不少場景都令人印象深刻，不知道大家是否記得三井壽跪在安西教練面前哭著說：「我好想打籃球…」又或者是那個沒有技術的門外漢櫻木花道又或者是全國大賽的湘北與山王之中，數十頁沒有對白的緊張大戰。

講下講下，係咪好想再搵返套漫畫或者動畫出嚟睇呢？當年井上雄彥用咗十年時間畫，所以套漫畫可以算得上係穿越2個世代，大人細路都鍾意。而近日就有網民喺中國廣電總局的「電視劇拍攝制作備案公示表」上搵到一個《灌篮吧！高手》的拍攝申請。睇一睇個內容簡介，除咗主角名唔一樣同埋安西教練變咗女角之外，劇情仲係幾乎一樣添，又係講天才籃球員與同伴們嘅奮鬥史。
唉，套劇仲拍成50集咁多，預計2017年12月開拍，製作需時約12個月。

消息一出，網民就梗係「開心share」啦。不過網民就似乎唔多受落，個個都話呢次套劇係「徹底地破壞大家的童年回憶」，仲話漫畫入面嘅湘北高中可以改名叫河北高中、陵南高中改做湖南高中、山王工業改做橫洲工業，海南大學附屬高中仲改都唔使改添。