何太直播不滿何伯向網民透露行蹤　鬧老公死蠢：同我出街瞓

76歲何伯與43歲的何太因接受TVB節目《東張西望》訪問而成為新聞人物，掀起全城熱話。雖然事件相隔三個月，不過二人的話題度不減，依然深受網民關注。何太與何伯不時會在社交網直播分享二人的互動點滴，今日（16日）下午他們以夫妻檔一起開直播，時間長達1小時55分鐘，在直播期間何太激動鬧何伯竟然向網民透露自己的行蹤，並揚言：「你再咁樣同我出街瞓，我忍受唔到你」、「你係3歲呀！你就嚟80歲啦，都係咁死蠢。你以前點搵食，你係食屎㗎！」

何太直播鬧何伯死蠢

何太望向何伯激動表示：「你係咪又想我鬧呢？你又暴露咗自己喺邊？」何伯則尷尬回應：「唔係！」何太露出憤怒的表情說：「你唔係？」何伯回應：「人哋（網民）打晒啲字幕出嚟。」何太說：「人哋打晒出嚟就要爆，你係咪想瞓街？」何伯急忙道歉：「唔係呀！老婆。」何太繼續說：「點解你咁樣講得就講，咁都忍唔住。由頭到尾發生啲咩我都知，（網民）打咩出嚟，你就回答，我即刻用個手踭話你唔知，你仲喺度否認？」她突然向何伯大嗌：「你出街瞓，唔好再跟住我。你咁樣爆自己行蹤，激到我幾嬲，係咪想我同你離婚？」何伯說：「梗係唔係！」何太表示：「唔係你就同我解決問題，唔好成日製造問題，我忍夠你啦！我受夠啦！」何伯露出可憐的樣子：「我都話唔坐喺呢度。」

何太急忙繼續大鬧：「我唔望你解決問題，你仲喺度製造問題。一日到黑就係呢樣嘢同你嘈，你都仲未生性。人哋搵你係黑粉，點解你要幫黑粉，透露我哋嘅行蹤。你咁樣即係點？點解你要仲黑粉嘅計謀。」何伯解釋說：「我想同你講啱啱入咗𨋢，有個人揸電話時我都提醒你。」何太再一次跟何伯說：「你再咁樣同我出街瞓，我忍受唔到你。黑粉就想睇住我同你互相殘殺，你果然每一下都中人哋計，你仲細個，你係3歲呀！你就嚟80歲啦，都係咁死蠢。你以前點搵食，你係食屎㗎！」