甄濟如出快歌唔預父親甄子丹拍MV ：爸爸跳舞style唔係同我好相似

甄子丹愛女甄濟如（Jasmine）今日（15日）在香港出席瑜伽體驗日啓動禮產品發布會，她接受訪問表示：「我平時會跳舞，盡量跑步，享受舞台表演，我都會盡量食得健康，我覺得均衡飲食係最重要。」她透露任何食物也會吃，並表示：「我會跳舞減肥，因為好鍾意音樂。」被問到會否跟媽咪討論keep fit心得，她說：「我同媽咪會做唔同嘅運動，我媽咪鍾意衝浪，我唔係好鍾意游水，原因係因為有啲麻煩。」她強調不害怕曬黑，笑言：「最多淨係紅。」

預告忙於錄製第一首廣東歌

講到即將會推出新歌，她說：「第一首廣東歌，首歌節奏好快，歌曲都係輕鬆為主。」提到錄音的過程是否相當困難，她坦言：「好難，我仲未錄完。(有冇搵爹哋媽咪惡補中文？）我噚日同同事練咗幾次。」她繼續指爸爸的中文能力最好。提到新歌MV會否希望爸爸現身參與，她說：「佢唔會參與，但係我而家仲未拍MV，好快拍。」被問到會否跟父親平常一起跳舞，她表示：「我爸爸跳舞style唔係同我好相似。」