鄭偉強設靈｜陳煒遺憾沒見最後一面：我當佢半個爸爸
撰文：吳子生
出版：更新：
前無綫高層鄭偉強，上月27日因病離世，享壽76歲。喪禮今日（12/8)於大圍寶福紀念館設靈，探用佛教儀式進行，讓親友作最後道別。傍晚6時，陳煒（煒哥）神情哀傷抵達靈堂致哀，煒哥接受《香港01》訪問時哽咽表示：「之前知道佢本身係有家族遺傳心臟病，因為血塊阻塞，所以佢係走得好突然，係一兩日嘅事。而係佢走嘅時候，因為當時我係喺佛山開緊工，我係見唔到佢最後一面，我覺得好遺憾。之前我哋係經常都會聚會，對上6月份同7月份都有一齊食飯，聽到佢走呢個消息都好突然。而家我希望鄭太唔好太難過，要注重身體健康。因為生前鄭生佢會經常打俾我，問我老公一啲健康問題，希望佢太太身體健康。」
陳煒提起與鄭偉強生前難忘點滴，直指在2022年結婚的時候：「我請到佢嚟到我嘅婚禮，由佢拖住我帶住我出嫁，而我係當咗佢係我半個爸爸，因為大家都係潮州人。永遠有鄭生在場嘅場合都係好開心，因為佢永遠係最多嘢講，而且又講嘢最大聲嗰個。咁所以而家就冇咗一個經常會分享喜悅嘅好朋友。」