麥長青感激娘家TVB助內地發展　自爆工作機會多：價錢梗係好啲啦

現年55歲的麥長青（麥包）近年已將工作重心轉移內地發展，今日（10日）他就難得出席公開活動支持好朋友髮型屋開張，吸引唔少民眾圍觀。而在接受《香港01》訪問時，他都坦承已習慣廣州生活，並直言內地工作量多，酬勞亦相當可觀。

近年與太太定居廣州的麥包，在內地發展風生水起，除了接拍劇集之外，還有直播帶貨工作，甚至建立了自己的工作室做老闆，相當厲害。問到現時在廣州生活可習慣嗎？他二話不說：「其實都係大灣區，我哋所有嘅飲食、生活都係差唔多，所以其實冇話習唔習慣，都好習慣。」

提到內地市場比較大，在工作上及酬勞方面是不是比較多時，他表示：「上面（內地）個市場大啲，機遇、機會都會多啲，其實都多謝TVB劇，令到灣區人都對我好熟悉，上面地方大，工作量係會多啲，價錢梗係好啲啦，我哋邊度搵到食就去邊度。（一個月演出有冇超過十場？）如果旺唔止添，因為喺假期前後就會旺啲。」

另外，王家衛執導的劇集《繁花》大受歡迎，而麥包亦參與其中，雖然角色戲份不多，但他強調對演藝工作多少都有幫助。