大佬B否認登台還債　「洪興陳耀」激罕現身力證老友生意好

「大佬B」吳志雄轉戰內地發展多年，近年更進軍飲食界，喺廣東一帶開設私房菜、火鍋店。大佬B曾透露自去年9月，前亞洲先生黃竣鋒在他的餐廳外遇襲後，生意一落千丈，有傳他為了維持餐廳運作，要四出登台。

對於種種傳聞，大佬B今日（3日）出席開幕活動時心情大好，接受訪問時一次過澄清所有傳聞。「B哥係去搵錢，但唔係還債，B哥2000年已經還晒啲債。好多人話我啲餐廳一下子執晒，請各位放心，B哥無事，我啱啱又開咗間近餐廳，喺深圳福田，有機會嚟搵我食飯啦。」B哥又指自己經營嘅有私房菜、火鍋店、西餐、酒吧，只有其中一間火鍋分店在疫情時關閉。「我都係薄利多銷，但主要都係留港消費。」

B哥又指登台好多時都係同兄弟一齊玩，就好似今日同佢一齊受訪嘅「洪興社二把手陳耀」李道瑜，兩位「古惑佬」不時打孖上，李道瑜更笑B哥到今時今日仲有新聞，證明佢有人氣，而李道瑜去年原來曾在《一舞傾城》演出，如今主要拍短視頻，原因是老一輩演員在在內頗為吃香，是不少70、80後嘅集體回憶。