邵美琪傳回巢拍劇　唔怕捱更抵夜：我最重要享受過程

無綫監製王心慰（Amy姐）榮休，今晚（2日）喺將軍澳延開10席，效力無綫35年嘅Amy姐獲多位台前幕後到場祝賀，當中包括曾係佢嘅御用演員邵美琪（Maggie）。

邵美琪人到花到，令Amy姐既開心又感動，Maggie接受訪問表示《第三類法庭》是Amy姐令她由忠變奸嘅難得機會，而今晚見到咁多朋友到場，相信場面會十分感人。

而對於有傳將回巢拍攝《臥底嬌娃》，Maggie即笑話因為Amy姐退休，所以要再考慮。「傳啫，未落實，係有搵過我傾。（條件係咩？）未諗，大家開開心心，我最重要享受過程。」而有傳鍾柔美（Yumi）將飾演其女兒，Maggie表示成事的話，都會期待新火花，仲話自己可向年輕人學習，仲話唔怕開劇要捱夜，但最後都補多句「傳啫，傳下先」。