無綫監製王心慰榮休宴 「鐵馬家族」鄭嘉穎唐詩詠隔開坐好傾啲？

無綫監製王心慰（Amy姐）榮休，今晚（2日）喺將軍澳延開10席，邵美琪、馬德鐘、方中信、姜大衛、唐詩詠、鄭嘉穎、陳凱琳、馬德鍾、黃建東、樊奕敏、車婉婉、譚凱琪、賴慰玲，助理總經理珍姐（曾勵珍）及多名監製、導演均有到場祝賀。而身為Amy姐御用演員嘅陳展鵬，日前已出發紐約，為國際華裔小姐任嘉賓，所以未能到場。

「鐵馬家族」嘅唐詩詠同鄭嘉穎，雖然被安排坐埋同一席，但同老婆姍姍來遲嘅鄭嘉穎，到場後先與Amy姐寒暄，之後再搵珍姐打招呼。入席後，鄭嘉穎與唐詩詠未有坐埋一齊，中間亦「加插」了方中信。

《鐵馬尋橋》當中的鄭嘉穎、馬國明、黃嘉樂、林子善與唐詩詠，因在劇中演兄弟姊妹建立出感情，眾人組成的「鐵馬家族」經常聚會。唯大哥鄭嘉穎近年多次缺席，去年更因缺席馬國明與湯洛雯海外婚禮，而引起不少風浪。