鄧月平dry爆多年冇拖拍冇人追　想借醉打電話畀一個人：未夠大膽

鄧月平今日（02/8）出席啤酒活動，她接受《香港01》訪問時，就直言有和男性和女性朋友飲酒，酒量會有不一樣。她說：「同女性飲酒我會放鬆啲，會易醉啲，同異性飲酒，我戰鬥力驚人。（對異性敏感？）保護能力強！我試過喺生日party上面，得我一個清醒。」

談到酒後做傻事的話題，她坦言自己並不會打電話給前男友或做其他事︰「我會同其他人講人生哲學大道理，啲朋友平時都叫我做『平姨』，同我個形象可能唔太一樣。我成日都煮飯，然後叫朋友上嚟飲酒，成個形象就好似一個阿媽咁。」

她續說：「雖然我望落去比較男子漢，但喺愛情方面都比較怕醜，飲醉咗都係想打平時唔夠膽打嘅電話。我覺得飲醉酒個人會比較大膽，但係未大膽到會打畀個前任。（最起碼你『想』打）已經太多年冇拍拖啦，如果下次拍拖再分手話你知。」會不會打電話給追求者？鄧月平又表示不會︰「我會打畀經理人，問佢最近啲嘢安排成點。」現時有沒有追求者？她又表示沒有︰「可能我sense唔到。長期focus喺做嘢方面，又唔覺有異性追我。」